قبل الاختبارات

مدونتي العزيزة 

و زواري الكرام ..

بكرا اول يوم راح اغيبه بسبب الاختبارات 

خلاص بدت فترة المراجعة و بدا التركيز و بدا تنظيم الجدول و الوقت و النوووم

هو بس اول يوم يجي خلاص راح تعدي الايام اللي بعده بسرعة 

طوول وقتي ادعي لي و لكم بالتوووفيق و النجاح و الدرجات العالية في الدنيا و الاخرة

ما اكذب عليكم و اقول اني رايقة و مو خايفة 

الا الخووووف مقطعني بالحيل 

لدرجة مدري كيف اررتب اغراضي 

بس بالاول لازم ارتب غرفتي عشان ارتاح نفسياً 

و بعدين راح ادوور بالبيت مكان مناسب للدراسة و المذاكرة

و ان تاأخرت عليكم ترا عذري معي 

ابي دعوووواتكم ق٣ 

Weakend

انا ألحين في قمة التعب 

خلص الويك اند بسرعة بس كان مررة حلو

اووووله كان يوم عائلي و ثاني يوم برضو عائلي و ثالث يوم برضو عائلي 

ههههههه يعني كله على بعضه كان حلو و عائلي 

الاسبوع اللي راح كنت مضغووطة بسبب اختباراتي 

الحاسب و الريض 

و بكراا راح يكون بإذن الله آخر اختبار يااااااارب

حاسب عملي 

ع اساس انه سخيف و ما يحتاج اذاكر

بس للاسف احنا بلحظة نلاحق الدرجات ما نبغى ولا درجة تضيع 

لان كل درجة انقصها محسوبة علي 

المشكلة انه بوربوينت يعني اسخف منه مافي 

بس للاسف لازم الواحد يذاكر و ما يطنش 

و بيد الله التوفيق 

بعد اسبوعين عندي زواج الخميس 

و السبت راح يكون اوول يوم اختبار نهائي لي

اختبار الحاسب النظري

يارب اسألك التوفيق و التيسير في أموري كلها 

و أسألك راحة بال و سعة صدر تدوم 

 لي و لكل من يعز علي 

يارب  

روقاان

بسم الله الرحمن الرحيم 

هذي أول تدوينة من جهازي العزيز 

اليوم انا فرحانة و مبسسوطة و ررايقة

من احلى الاشياء اللي صارت 

كان عندي اليوم شغل للماث كثير

نشاط ، كويز، واجب و درس بكرا 

اول شي كنت معصبة لاني بحل الواجب ولا لقيت كتابي الماث ناسيته بالجامعة

عصصبت و قلت ما وراي الا اني اذاكر للكويز 

كلمت صديقتي ميمونة العصر و كان في شي بقوله لها خاص 

**

بعدين رحت نزلت شرايح البوربوينت و قعدت اذاكر بدون طباعة الاوراق 

يعني قمة الحوووسة

ذاكرت درس و بقا لي درس 

نزلت تحت عند اهلي جا وقت القهوة

جتني رسالة من البنات او بالاخص راح اسميها بشارة 

" انه ما راح تجي استاذة الماث بكرا "

انا هنا مو مصدقة لاني قعدت اتذكر كيف حرمت روحي المشوار مع اختي منار العصر

و كيف ضيعت وقتي بالمذاكرة

و ضيعت وقتي ادور كتابي اللي لقيته بعد ما سمعت الخبر الرهيب

بس من بعد الخبر ررروقت للاخر 

تركت كل شي يتعلق بالجامعة 

اول شي مسكت البلاك بيري و سواليف مع كل الناس اللي مشتاقة لهم 

و ارسسلت رسسايل لمين عووورتني يديني 

بس بالاخير انا حدي فرررحانة

و الححححمدلله بكل الاحوال