السلام عليكم حبايبي
وحشتوني كثير ووحشتني الكتابة في مدونتي حبيبتي ..!
كنت أنتظر هالفراغ العجيب من شهر كله عشان أكتب عن أحداث شهر سبتمبر الماضي ٢٠١٢
هو تقريباً أكثر شهر كان مليان أحداث ❤
و محتاجة أكتب عنه ..
شهر سبتمبر كان طووووويل و بدايته بنص شوال على ما أعتقد
كان أول إسبوع بالجامعة في ١٤ شوال يبدأ
(إسبوع الجداول و التحويل و و و إلخ. )
كنت أنتظر هالإسبوع يجي بفااااارغ الصبر إننتظرته كل الإجازة الصيفية
و كنت مخبيه كل اللي بسويه ما علمت أحد بالإجازة
لإنه كان همّي أنا لحالي محد له دخل فيه
و كنت أدعي ربي يوفقني و يسهل علي طريقي بكل خطوة راح أخطيها
المهم ،، جاء يوم الأححد و جاء اليوم الموعود بالنسبة لي
و يوم التغيير نياهاهاها
و رحت الجامعة و طلبت تحويل قسم و عطوني ورقة فيها رقم
و طلبوا مني أروح لوكيلة القسم اللي أبغاه و أجيب ورقة موافقة قبل يتم التحويل
و الحمدلله عطتني إياها بسرعة و سألتها كم سؤال كانوا ببالي دايماً و خايفة منهم
رجعت للمكتب الأول و طلبت بياناتي و كم ورقة و صار بيني و بينها نقاش صغيرون ما عجبني :(
[ قالت : ليه تبغين تحولين و تتركين الحاسب !! الحاسب وظيفته مضمونة و بالجيب و متوفرة بأشكال كثيرة بلا بلا بلا الخ
قلت : أنا ما أبغااااااه ما أحبه ! إنقبلت فيه و سكتت لإنه القسم اللي أبيه لسى ما إنفتح بالجامعة !
و أنا كنت أقول أول ما يفتح بنقل له حتى لو كنت عديت ٣ سنوات ! لو شو ما صار
قالت : براحتك بس كنت بقولك أخاف تندمين بعدين
قلت : لا ليه أندم و أنا الحمدلله مستخيرة ربي و مرتاحة نفسياً ..
قالت : الله يووفقك و يسهل دربك
قلت : آمين ]
و انتهى النقاش الموش حلو :* لإنه صار لي كثير و تعودت ع الإجابة و صار كلام محفوظ هاهاها
و بعدين . . .!!
تتررااا رراااا
عطتني ورقة الموااافقة على التحوووويل و إنه خخلاص تم نقلي للقسم اللي كنت أبغااه
و من الصدمة !! قلت لها خلاص ؟ أنا ألحين صرت كيمياء ؟ قالت إييه بس باقي لك تعادلي موادك و تنزلي جدولك
قلت شكراً يسسسسسسلموووو
أنا ببالي باخذ يومين ع الأقل ما توقعتها بساعة وحدة بخلص كل شي
كانت الساعة ٩
طبعاً من ٩ إلى ١٢ رحت أزين الجدول و أنزل المواد و أرفع طلب معادلة و الحمدلله خلصصت كل شي و ارتححححححت
و أنا راجعة للبيت من الفرحة شريت غداء لأهلي ههههههههههه
من بكرا صار فيه ببيتنا عزيمة غداء لجدي لإنه جاي عشان زواجين اثنين لحفيداته
همّ أختي منار حبيبتي و بنت عمتي
بدا أول إسبوع في تخصصي الجميل و الرهيب و الحلو و كل أبو شي زين > وصف ريماتي ههههههه
في أول يوم جيت ما جاء للقاعة الا بنتين غيري صادقتهم و لحد الآن هم صديقاتي في هالقسم الله يديمهم لي و يخلينا لبعض و يوفقنا و يسهل علينا طريقنا
هالبنتين كانوا مثلي مغيرين تخصصهم و محولين زيي
يا فرححتي يوم عرفت بهالخبر إنه في غيري محوول مرررة فرححت
في اليوم الثاني غبت و المفروض ما أغيب لإنه كان أول يوم بناخذ فيه كيم عملي و المفروض من الفرحة أداوم ههههه
بس بما انه هالإسبوع كان أخر إسبوع لإختي قبل الزواج ، كنا طالعين نخلص مشاوير و رجعت هلكانة ونممت
ثالث يوم داومت و برضو ما جيت الا أنا و وحدة من الثنتين اللي عرفتهم !!
معقولة باقي الكلاس وينهم ؟
و أسأل البنت قالت إنه أمس بكلاس العملي كان فيه تقريباً ٢٠ بنت !!!!!!!
طيب وينهم ليه لحد الآن محد حضر الكلاس ! معقولة كللللللهم ساحبين :/ ؟
الثلاثاء الصباح جيت لحالي و جت بنت ما اعرفها سألتني ! قالت هنا كيمياء ؟ قلت : ايه
قالت : فيه قاعة فوق كلها بنات الكيمياء وما جتهم ولا استاة ! قلت : لا هذي القاعة و أنا متأكدة و الدليل إنه في كل بداية محاضرة تجي إستاذة و ما تلقى الا انا و تحضرني و تطلع :) !!!
قالت : بناديهم !
خمس دقايق بس فجأة دخلو بنات كثااااار و أنا طايرة عيوني بقوة 😳
ببراءة سألت ! قلت انتم من وين جيتو ؟ ووين كنتوو !! و تبدأ الاسئلة و ما انتهت إلين جت الاستاذة اللي كانت علينا ههههه
أثاريهم عماتي ملخبطين بالقاعة ! بعذرهم جايين من المدينة الجامعية و ضيعوا شكلهم 😂
و بعدين بدت الدراسة و بدا الجد لإنه صار فيه كلاس معقووول و ناس تداوم صح هههههه
قضى أول إسبوع و جاء يوم الاربعاء ليلة زواج أختي ❤
آخر إسبوع هذا كان جميل و كان حزين
لإنه كان أول اسبوع لي في قسمي الجديد و آخر إسبوع لي مع أختي
علماً إنه هذي آخر خواتي ! يعني صفيت بنت لحالي بالبيت مع ولدين ههههه
الله يخلي لي أممي ❤❤
و أنا آكل موزة حالياً أقولكم و بدون مبالغة ما أذكر وش صار بذالك اليوم الا اني نمت بدري هههههههه
و قمت الخميس ع الساعة ١٠ ونص و كنت لحالي قايمة
أفطرت وخلصت أشغالي اللي ناقصتني و جهزت أغراض وهيك إشيا p:
و قعدت أصور الفستان اللي معلق عندي بغرفتي
عشان كل يوم أصيح لحالي هههههه دوعابة
قامت عروستي الجميلة الساعة ١٢ و موش رايقة لي أبداً راحت تخلص أشغالها بعيدة عني
ع الساعة ٢ امتلا البيت أصوات عصافير هههه أقصد أختي مرام جت و صار البيت مليان حِس و أصوات صغار و أوامر رايحة جاية لهم وه بس ربي لا تحرمني إياهم
ع العصر جت الكوافير وبديت أتصلح أنا الأولى لاني لازم أخلص لإني وراي أشغااااااال :"(
أذن العششا وكانت الساعة ٨ و كلنا مخلصين ولله الححمد و لابسين وجاهزين
و تتررااا ررااا
أكمل ؟ تعبت و الله و انكسر ظفري ! بس يالله بدا الحماااس هههههههههه
أنا و خواتي لبسنا منار الفستان و رتبنا كل شي فوق لإنه راح تاخذ كم صورة قبل الزفة وغير كذا باقي ع الزفة يمكن ساعتين و زيادة
جو الضيوف و بدأت الضيافة من إلى >> افهموها
و و الآن زفة تايم هههههههه
جاء العريس و إخواني
و بدت الأغنية و زفت عروستي و حبيتي :"(
و كانت أححلا عروسة بالعالم :""(
و كانت تشوفني و تضححك لي :"(
أنا شخص أبغى أصيح في هذي اللحظات بس قاضي تنكي الدموع اااااااع
كانت زفة جمممميلة و رااايقة و مافي أححلا منهاا بسويها بزواجي ان شالله :""(
اااه يا قلبي يا أختي
يحفظك ربي و يوفقكم و يرزقكم الذرية الصالحة ❤
بدت العصيرات تتوزع .. و بعدين جاء وقت العشاء
انتهت حفلة الزواج تقريباً ع الساعة ٢ ونص الكل راح
مين صفا بالبييييت !!!! أنا و أخواتي مرام ومناهل 😂 كانت ليلة توووحفة
سهرنا الى ٥ الفجر صلينا و نمنا و قمنا الساع ٨ ونص الصباح خلاص شبعنا نوم هههه
كانت نومة عجيبة لكن لا تخلو من ألم الرجليييييين :"( أنا كنت محتاجة أحد يسوي لي مسسساااااااج كنت أحس سيقاني مشدووودة
قعدنا الى العشاء سوا مع بعض و الكل راح لبيته عشان ينام صح و يرتاح
كانت هالليلة أول ليلة لي بدون منار و بدون منبه منار و بدون صوت منار :(
بدأ الإسبوع بدون منار غبي ! و غبي ! و شكراً
يعني بلا طعم ! يعني بلا مشاعر ! يعني بلا إخت بالبييييييييت :"(
عاد لو بسولف عن أخت بحتاج تدوينة لحاله ..
عاد أخواني ما خلوني كل يوم جايين يقولون لي مها نصير لك إخت ؟ ولا تزعلين
بتجي بتجي منار خلاص مب رايحة دايم :(
طبعاً كانت مواساة بشكل مسخرة هههههه أولاد طبيعي
أذكر كانت تتصل تبي تكلمني ولا أرد أصرف بأي طريقة و أهج
لإني عارفة روحي مجرد ما أسمع الصوووت برووووح وطي !
بقعد أصيح و أتعبها معاي
لين دقت يوم ع الكل عشان تقدر تكلمني ووصلتني و ما يحتاج أكمل الباقي :""(
و بعد ما سافرت برضو كنت ما ابي أكلم ! بس خلاص مالي داعي ولا عندي سبب أرفض
كلمتها فيديو تقريباً كل يومين و ندقها سوالف و تفرجني ع المناظر اللي عندها كأني معها
هالحدثين كانوا يحتاجون وصف و تفاصيل دقيقة
اللي هم نقلي لقسم الكيمياء و زواج أختي ❤
يارب بارك لنا فيما رزقتنا و قنا عذاب النار 💚
