Will graduate

آآآآآهـ ..
و قربنا نقضي .. ونخلص الثانوي .. ونتخرج ..
يآآآآآهـ .. من زمان كنت أشوف اللي يتخرجون ..
و أقول .. " شي عادي " ..
وش كانوا يحسوون .. صددق فرحة ولا إحساس يفرح .. ؟؟
جاني هالإحساس ..!!
يآآآآي ..
شي يجنن .. و يخلي النفس مرتاحة ..
فجأة ..
تنتبهين أنه 12 سنة دراسة .. هذا مو تعب ..
هذا اسمه إنجاز .. أنه عدينا 12 سنة دراسة ..
يآآآآي .. من جد وناسة ..
قالوا قياسات .. قالوا عبايات .. قالوا قبعات .. قالوا حفل ..
قالوا عبارات .. قالوا شكر .. قالوا أشيااااء ..
هذا التخرج بذاته ..
..
بعد الدراسة .. و المذاكرة .. والاختبارات .. مع بعض ..
بعد الصداقات الجديدة كل سنة .. والمعلمات الجديدات كل ترم ..  :)
بعد الفطور مع بعض .. بعد اللعب مع بعض ..
فجأة ..
يقولون لي باقي شهرين لنا مع بعض ..
..
كيف كذا .. ؟؟
..
يآآآآآآآآآهـ ..
مشت الدنيا .. بسرعة .. قبل يومين كنت أبي أسجل ..و قبل أمس سجلت .. و أمس درست .. واليوم بتخرج ..
..
يارب تعدي الأيام وهي كلها "خير × خير"
..
يالله يارب .. أنك تووفقنا .. و تيسر لنا .. وتسسهل علينا ..




** هذي التدوينة لقيته بالمسودات عندي ما آدري ليه ما نشرته بذاك الووقت ..
** صار لها سنتين تقريباَ .. يالله كيف مررت بهالسرعة !! 

العلم و العقل

من كتاب ،، متعة الحديث للداوود

طاقات ما قبل الاختبارات

يالله

نفسسي بشخص انسان زي قوقل

أسأله أي سؤال يجاوبني

أعطيه أوامر ينفذها زي الروبوت

عن أي أي شي !

أبغى أسأله في أمور الجامعة ..

 أو لو بغيت أططبخ و أمي مو عندي ..

أو لو بغيت أروح مكان مطعم او سوق أسأله عن أحسن المحلات و الأكلات فيه !

أبغاه يكون العصفورة بيني و بين أمونتي لو بغينا نرسل شي أو أغراض بسسرعة ..

أو لو بغيت أشوف صديقاتي يحدد وقت ومكان نتقابل و يكون جاهز و مستعد لنا خخخخ..

ساعات أبغاه يكون خفي .. و ساعات يكون ظاهر لي فقط !

هههههههه

يا شين الاختبارات ووقت المراجعة 

و قسسم حاسة بطاقات وودي أفررغها بغير الدراسة !

كل ما حاولت أفتح درس أتذكر أشغال الدنيا

أبي أطبخ

أبي أطلع

أبي أسوي أعمال يدوية لغرفتي

أبي أصصبغها كمان

أبي أتقضى من السسوق لشخص

أبي سوبر ماركت أجهز لبارتي 

أبي أشتري فساتين !!!!

الـ أبي اللا نهائية وما بعدهاااا

^ تذكرت باز يطير ههههههه

المهم #تجاهلوا_هذه_التدوينة 

بس من جد مشتهية أككتب و أزين مدوونتي و أغير اللوك حقه

ان شالله بالصيف !! و راح أضيف قسم طبخات شكلي خخخخ

بس انتظروني 😝 

#meMaha 

Send From My iPad .. 

هل تكرر صلاة الاستخارة؟

هل تكرر صلاة الاستخارة؟-الشيخ الشنقيطي


يارب لك الححمد
هذا المقطع ريح لي بالي
من جد مين كان يقول لنا كرروا الاستخارة؟
الحمدلله الحين عرفنا كل شي
يارب لك الحمد على نعمة الاسلام 💗

و ما أدراني ما الحاسب ؟

آآآآآه يااااااا رب
إني في حيرة من أمري ..
و الله اني مرتاحة نفسياً بقسم الحاسب ..
بس ماش .. أحس ودي أحول ..
خاصة إني ما زلت أبغى أدخل كيمياء ..
أبي شي فيه حركة و تغيير مو معامل وكلها أجهزة كمبيوترات .. وين الإغراء بالله ؟
أبغى معمل في أدوات و ألوان تفتح النفس ..
على كرهي للفيزياء الا اني استمتعت اليوم بالاختبار العملي ..
و الله استانست و أنا أشغل الأجهزة و اسجل الارقام بالريبورت ..
لو دخلت ;كيمياء و شفت المواد و المركبات و المحاليل وش بسوي ..

خاصة إنه فتح الكيمياء هالسنة بالجامعة .. ودي أحول بس ياخوفي يقولو عيدي التحضيري ..
أو ع الأقل يعادلون لي مواد ..
ودي من الحين أقرر عشان لو بحول يمديني آخذ شي بالصيف أخفف على روحي ..
..
المشكلة الثانية إنه الجامعة تربوية يعني لمَا أتخرج بكون مُدرسة .. و أنا ما أبغى أكون بالتدريس ..
أبغى شي أحلا .. شي حركي غير ..
أبغى يكون في مختبرات ..

على خوفي من صعوبته و الطلاسم اللي بتجيني ..
بس ع الأقل الطلاسم راح تنفعني .. يكفي انها بالطبيعة ..
 مو زي الحاسب أدرس كيف أصلح برنامج .. أساساً مين قال أنه بيوم بسوي برنامج ..
غير أنه الحاسب لو بيجي يوم مشكلة بجهازي .. تخصصي ماراح يساعدني ..
كنت أقول كلمة و أنا صغيرة إنه الحاسب يمديني آخذه دبلووم .. لكن يوم كبرت صارت الشهادة أقوى !
..
ما زلت " جاري التفكير " و في أكثر من شخص ببالي بسأله عن تخصصه الكيمياء و كيف تماشى معه ..
..
ساعات أفكر بالتحويل لجامعة ثانية لكن برضو خاااااااااااااايفة و أبي أحدد مصيري هاليومين لأنه بس هالفترة في التحويل والنقل ..
قدامي أسبوعين أقرر ..

يارب سهل علي و يسر أموري
يارب خليني أنجز بسرعة و أحدد مصيري
يارب إن كان في الكيمياء خير لي .. سهل أمور نقلي له و وفقني فيه ..
يارب .. و ما خاب من قال يارب ..

حفلة الكويز

لالا ماااااا أصصصصدق

اليووووم صارت حفلللة معي أنا وملاك بالجامعة

صراحة قاعدة أضحك لحد الآن ههههههههههههههههههاي

أولها أمس كان عندنا ضغط ميد ريض و كويز برمجة

طبعاً كعادتنا الكريمة 

نذاكر الأهم اللي هو الرياضيات

و قررت اني أداوم الاحد بدري عشان أراجع برمجة ع الجهاز عن قولة أنه ما عندي ضمير

هههههههههه

الحمدلله خلص كلاس البرمجة الساع ٩ الاربع

اختبار البرمجة كان يبدا ٩ وربع وقت البريك

المهم كنت أنا وملاك قاعدين نذاكر ريض في هـ النص ساعة اللي معنا

بدا البريك و ننتظر فداء لأنه من زمان ما قعدنا سوا خاصة انه توها مخلصة الاجازة

صارت ٩ ونص و أتصل عليها

البنت ما ترد غريبة وينها ؟!

قالت ملاك و هي متعمقة تذاكر الريض

يمكن مشغولة ولا عندها كويز 😁

فجأأأأأأأأأأأأأأأأأأة 😳😳

تذكرنا أنه عندنا اختبار ووقت البريك 

و نرررركض و ححنا نضححك ع الفهاوة اللي فينا 

و ناسين الدور اللي فيه الاختبار 

و نركب الاصنصير ورحنا الدور الثاني 

عارفين رقم القاعة بس ما نعرف الدور 

و نرررركض لان القاعة بعيدة عن الاصنصير

وصلناها و نقول الحمدلله و ندخل و نلاقي القاعة فاااااااضية

هههههههه طلعنا غلطانين بالدور و ننزل للدور الأول

و نلاقي بنات مخلصين مختبرين طالعين

و احنا على اعصابنا لا ترفض المراقبة ندخل 

فتححت الباب وانا فيني ضححك 

و أقول للمراقبة : عادي أدخل انه بختبر و آسفة ع التأخير

هي مبحلقة عيونه و تقوول : ليييه ؟

رديت وقلت حطي الاوراق على جنب الحين انا بدخل بيقضي الوقت 

قالت : أوكي

طبعاً قعدت ساعة أحاول أبدأ

كنت أررررررجف

خايفة تقول انه أخذنا الاسئلة من البنات اللي طلعوا

الله يسسستر 

خلصنا الاختبار بأقل من ربع ساعة

و الحل مو ذاك الزود من الربشة

لأن التركيز كان جداً ضعيف ههههه متشتت

طلعنا من الاختبار ونلاقي فداء قدام الباب و نقولها السالفة ههههههه

تمنيت بهاللحظة ان المراقبة تسمعنا خخخ

رحنا لمبنى أربع بنسلّم شيت الهوم وورك

وتسألنا فداء عن الاجابات

الصصصدفة »» انه أنا ومملاك نفسسس الاجابات كلهااا ماعدا السؤال اللي فيه حل 

هنا خخخلاص قلت أنا ويااك جايبين صفر جايبينه ههههههههه

غير اني بالكويز الاول جايبة صفر من ٤ و هي جايبه نص من ٤ ههههههاي

الله يسسسستر 😢😢💚💚💚

ألحين عندنا قرآن بعده ميد الريض 

يالله يارررررب سهله علينا 

والله ذاكررررته و حرصصت علييه يالله يارب تمم علينا و ارزقنا الدرجات العاااالية ❤🙏

------

الله يسعدها استاذة قرآن عطتنا نص المحاضرة عشان نذاكر 💪

------

يوم جا وقت الاختبار 

الجوو كان يجننننن خخخخخيال ع قولتهم جو لندني 

كان فيه خفيف برق ورعد

و مجرد ما جت الاسئلة ونروح نتسحب للقاعة 

و أول ما بدينا بالحل

و يضررررب المططر قووووووووي

 ويجننن صوووته

قعدت أسمعه وىأستمتع بصوته حوالي خمس دقايق خخخخ خاصة اني قاعدة جنب الدريشة عشانه هههه

خلصت الاختبار و ماكان ذاك الزود بس الحمدلله حليت الخيارات و الصح و خطأ 

و المسائل حاولت و يارب صح

الححمدلله كان يوم جميل و ممتع 😁💪⚡

Send From My iPad .. 

في كلاس البرمجة

هههههه

أول مرة احضر كلاس بدون ملاك

و أول مرة أجرب شعور فداء أنه لحاله بالكلاس 

ألحين أنا بمعمل البرمجة و الكلاس فاضي

بكرا عندنا اختبار برمجة سي بلس بلس

و اليوم ما عندنا اختبار

و أغلب الكلاس غايب

أمس كان عندنا ميد تراكيب و كويز برمجة

ونفس كان إجازة للمدارس بسبب الغبار

الله يسهل لي اختبار بكرا

صراحة خاااااايفة منه

لدرجة بديت أحلم هههه

برضو عندي تسليم استبيان الانجلش  بكرا

سويت نص الشغل و الشغل الباقي ع البنات يعبون الاستبيان

و اذا جا الاربعاء بتجي  مناهل ومرام وراح نجتمع ان شالله

من زمان ما اجتمعنا اااااه

وراح نسوي مفاجئة لأمي ان شالله

يالله بررب بدا الدرس :)

النمطيون ..

من كتاب : بيكاسو و ستاربكس .. لـ ياسر حارب

ضغوطاتنا الحياتية

ياااااااه يا الله ..

قبل اسبوعين أو أكثر كنت أشكي من كثر الضغوطات

و على إني الحين مضغوووطة 

الا إنه الشي الوحيد اللي يريحنا .. لا تذكرنا كيف ربي سهل علينا الضغوطات اللي قبل ..

يعطيك دافع انه حتى ضغوطات اليوم بتخلص بسهولة ..

و ع قولة التيتشر لا قلنا ما نبغى هوم وورك مضغوطين..

ترد و تقول "There is no one doesn't have a stressed "

بعدها نرضى بالواقع ..

قبل شوي خلصت الانجلش بمساعدة @angel6683 

الله يووفقه و يسعده .. فهمتني الأساسيات في الكتابة و ترتيب العبارات ..

و شجعتني إني أكمل

للمعلومية : كان تسليم الهوم وورك مخلص 

بس عن قولة اني اشتغلت و اجتهدت ..

حتى @Hajar71736060  ما قصرت و عطتني اقتراحات عن ايش اتكلم بالضبط ..؟عطتني افكار كثيرة الله يسسعده ويوفقه ..

أنا ابغى أتكلم عن الضغط اللي يجيك فجأة ..

أول شي لازم قائمة 2do يعني قائمة المهام و ع حسب الأولوية يفضل ..

و أحلى شعور لمّا يكون قلم التظهير هو اللي تشطبين فيه المهمّة بعد التنفيذ ..

ثاني شي لمّا تحسين إن المهمّة مطولة ومو راضية تخلص ..

شوفي غيرها .. خلصيها و ارجعي كملي الاولى ..

في هالحالة الدماغ يمل و يبغى يجرب شي آخر ..

طبعاً أحلى وقت لتنفيذ المهام في الصباح بعد أحلى و أخف وجبة فطور..

أهم شي فيها بروتين وكالسيوم ..

مجرد ما تخلصين مهام هذا الاسبوع .. بعد فترة لو تذكرتي هالأشياء على صعوبتها

راح تضحكين ..

تقولين .. يالله قد إيش أنا كنت مكبرة السالفة !

و غير كذا شعور إنك أنجززتي شغل مافي أحلى منه ..

بعدها كافئي نفسك بمشوار أو طلعة ع السريع ..

تغيرين جو الدراسة ..

و بالأخير ..

لا تنسي كل شي تسوينه أجر .. لأنه يعتبر علم ..

وأهم شي كل شي تسوينه اعتبريه لوجه الله و اخلصي فيه ..

د.جاسم المطوع : هل الجمال مهم

د.جاسم المطوع : هل الجمال مهم

هل نقاطع معرض الكتاب ... ؟؟

KONY 2012

حادث ..

مصرع امرأة و ابنها في حادث انقلاب بالقرب من محافظة تيماء - مكتبة الأخبار - صحيفة تيماء الالكترونية

حادث اقشعرّت ابداننا عند سماعه

تأثيره كان قوي علينا

بعد سماعنا له

الله يرححمكم يا حنان و اياد و لميس

شفعاء بإذن الله

ما اقدر أعلق أبداً

هذا الحادث اليووم كمل اسبووع

هشام الأب و الزووج بإذن الله راح يبدأ حياة جديدة

و بإذن الله ينمسح هذا الماضي الحزين و السعيد

الله يرزقك حياة سعيدة و طيبة و يعوضك بأحسن و أخير

و ان ما تعوضت في هالدنيا الفانية

فأنت راح تتعوض بالجنة و راح تشوفهم بإذن الله

البرر الجمميل

يا زين الاجازة القصيرة لا صار كم يوم فيها مخيمين بالبر ..
عاد وافق الاجازة ايام الهووا البااااااارد و الجوو اللي ع قولتهم ينخر العظم ..
اوول ما نزلنا المخيم ششكلنا اخترنا الخيمة الغلط اللي واجهتها مو ذاك الزوود ..

رححنا نقلنا للخيمة الاكبر و الاريح نفسياً خاصة انك وانت جالس بقممة النفوود تشوف الخط السريع .. اللي كانت الواجهة فيها أريح و أححلى ..

و ما يححلا البر عند أهلي إلا لمّا يفطرون البيض المقلي و الكبدة و الجبن السايل هههه
بس بلاش صوور ��
شبينا النار أوول العصر و صلحنا القهوة و بعدين بدينا بتجهيز الغداء ..
وو كان الرز خيااالي بس العناد كان شغّال  بين أمي و أخووي من يطبخ ..

ووقت المغررب صلينا على طوول بعدين بدينا نجهز جلسة السمر ����

و الششاي اللذيذ ����

و بعد الشاي قرر آخوي يذووقنا البطاطس المششوي مع الزبدة و المملح ������

بعد ما خلصصنا الششوي .. كعادتنا الكريمة لازم نستغل كل لحظة
لعبنا بالنطيطة اللي تبع المخيم و استأجرنا الدبابات اللي أهمم شي بالرححلة ��
و قبل نرجع أخذت صورة ع السريع لشكل المخيم بالليل ��☺

..

تبووْك الورد .. مدينة الضباط ..

لي ززمان ما كتبت كلام للمدوونة خاص فيني ..
و أهم شي صار قبل فترة ما كتبت عنه ..
اللي هو سفرتي لـ تبوك .. مدينة الضباط ..

ككانت أححلى سفررة و أممتع سفرة بحياتي كله ..
صراحة .. أتكلم عن البححر ولا عن الأجواء الممتعة ..
اأحلى شي أنه شفنا للبحر أكثر من منظر و أكثر من لوون .. في أكثر من مكان ..

طبعاً مشينا على مسار خليج العقبة ككامل من أوله للنهاية ..

كان حلو تغيير الوقت علينا .. يحسسك انك برا السعودية ههههه أولها أذان المغرب الساعة ٨ كان شي جديد علينا ..

الآثار العثمانية من سكك القطار و الكنائس و قلعة وادرين الحمدلله شفتها و كانت هذي أولى المناظر ..
و مغاير النبي شعيب نزلنا لها ..

ثالث يوم رحنا لـ شرما اللي ككان بحرررها خ خ خ خياااااال بمعنى الكلمة يكفي التأمل اللي أخذ وقتنا كله ..
باليوم الواحد نشوف بحرين هههههه أقصد شكلين
بحر يكون نظيييييييييف و مافي أحد الا حنا و حرس الحدود بس وهو كان أحلى بحر لأنه أخذنا راحتنا بكل الاشكال .. كنت أقول بذاك الوقت إنه البحر و القمر لنا لحالنا بس ..

في ذاك اليوم حسيت اني أمملك الدنيا ..
يكفي شعور ان البحر لي ..

اكيد شاطئ البحر حلاته لما ينرسم علييه !!
هذا قلب مثلاً ههههههه

بعدها رحنا شفنا السفينة الغرقانة ..
البحر اللي فيه السفينة هذي كان بأطرافه مليااان حصا صغييييير و ملوووون و البحر ككان باااااارد ..

بعدها رححنا لبححر كان لووونه أززززرق كححلي و أمواجه ككبييييرة و الزبد كان كثييير ..
هذا البحر و حنا متوجهين له كان الطريق بين جبال .. و مرينا من عند منطقة اسمها "طيب اسم"

تخيلوا المنظر نمشي بين جبال و قدامك مافي الا البححر ..

الميناء كان منظره من بعيد جميل يذكرني بالآفلام و الكرتونات هههههه

ولا تخلو رحلة البحر طبعاً من تجميع الأصدااااف

بعدها رححنا لبحر على قد ما جانا كلام نروح له الا انه ما كان بالصورة المطلوبة ..
بس المكان اللي قعدنا فيه كان مع الشمس يعطي منظر جمييييييل و رااااايق هذا البحر استمتعنا في صوته اكثر من شاطئه .. في هذا المكان كنا ع الحدود و كنا قريبين من البحر الاقليمي ..
كانت الاردن اقصى اليمين .. و جنبها حدود فلسطين .. و قدامنا مدينة دهب المصرية .. بالممغرب شفنا شاطئهم و لمباتهم ..

الغداء كان جمييييل بكذا أجواء

بعدها قررنا نروح لشاليهات الضباط هناك لك شاليه كبيييير و لك كووخ ع البححححر ..
هذا اليوووووم كااااان جمييييييل بشككل اني ما أقدر أوصف روعته ..
أحلى شي وصلناه الظهر قبل يجوون الناس و صوورنا فيه و اخذنا راحتنا .. بالليل تغير الوضع
الاكواخ امتلت و ريحة الشوي غطت المكان ..

في هذا المكان كان فيه مكان مخصص لصيد الاسماك .. رححنا له اخر الليل .. ككان فيه شباب يصيدوون و المكان كان وسسيع و الجلسات اللي فيه مررررة رايقة ..
طبعاً ما يخلو جو البحر من الشوي ..

قبل اخر يوم للرجعة قررنا نروح للعيون اللي في المنطقة .. رححنا لعين موسى ..
و رحنا لعين في جبال "طيب اسم "
و اخر شي رحنا لجبل كانت المووية تنزل منه و باااااردة و عذبة و لذييييييذة ..

بعدها رجعنا للرياض و الححمدلله تمممت الرحلة على أكثر مما توقعنا ..
تقرياً شفنا ١٠ مناطق و كل منطقة لها بحرها ..

الله يسسعدك و يوفقك بحياتك يا اخووي سليمان على كل اللي سويته لنا ..

فضة الكلام

فضة الكلام

محمد الرطيان

الإثنين 02/01/2012

ذَهَبَتْ إلى كتاب التاريخ وهي تتهادى بأجمل ملابسها ، تجر وراءها الحكايات والقصائد والأحباب ، وذلك بعد أن تعطرت بدماء الأحرار .

أخذت المكان الذي يليق بها بين السنوات العظيمة :

إنها سنة ٢٠١١م 

سنة ارحل ، سنة الشعب يريد ، سنة البوعزيزي ، سنة الشارع الذي أرعب القصر .

سنة تحوّل فيها العالم العربي إلى (خبر عاجل) تنقله كل شاشات العالم .

سنة ( البلطجية والشبيحة ) و ( المندسين والأجندة ) و ( الأصابع الأجنبية ) .

سنة الهواتف المحمولة واليوتيوب والفيسبوك : إعلام جديد أربك الإعلام التقليدي .

سنة تويتر .. و ١٤٠ حرفاً تفعل ما لا تفعله ملايين الكلمات التي تبث عبر قناة رسمية غبية ، وتكتب عبر صحيفة حكومية لم تتغيّر لغتها منذ نصف قرن .

إنها سنة ٢٠١١م الباهرة / الطاهرة :

السنة التي أعادت ليوم ( الجمعة ) هيبته وطهره .

إنها سنة ٢٠١١م الباهرة / الثائرة : 

سقطت نُخب ، وولدت نُخب جديدة .

سقط جدار ضخم ، اسمه : الخوف .

سقط جدار أضخم .. موجود في العقل العربي .

و .. فجأة ، ودون مقدمات ، يكتشف السياسي العربي أنه يحكم جيلاً لا يعرفه ، ويتحدث بلغة لا تشبه اللغة التي ربَّى الرعية عليها ، لهذا قال مرة ( أنا فهمتكم ) وهو يدّعي الفهم ، وفي المرة التالية كان صريحاً وقال بحماقة سيسجلها التاريخ ( من أنتم ) ؟

وداعاً أيتها الفاتنة ، وعوضنا الله عنك بغيابك بسنة رائعة .. تعود فيها الحقوق لأصحابها ، ويهزم العدل الظلم ، وتفضح الحقيقة الزيف ، وتتنفس الناس بحريّة وتعيش أيامها بكرامة ، وتتحقق أحلامها المشروعة .. أما أنتِ فاذهبي إلى المكان اللائق بك .. وعندما تفاخر كل سنة بنفسها أمام السنة الأخرى ، تبختري وتدللي ، وقولي لهن بكل فخر: أنا أجمل منكنّ جميعًا..أنا سنة الحرية.. أنا ٢٠١١م .

ستظلين : السنة الفاتنة ..

حتى وإن قال البعض : سنة الفتنة !

Send From iPad .. 

ذات خميس ..

في يوم الخميس الماضي مساءً ..

في حديقة حيّنا ..

صبيان يافعين يمارسون هوايتهم المعتادة ..

لكن في هذا اليووم ..

تعب أححدهم فقال : أريد أن أرتااااح ..

لم يككن يعلم أن رووحه ستفارقه ..

و قد كتبت له الراحة العظمى بترركه دنيانا ..

و في نفس اليووم عند أقررب شارع عام ..

سيارة اصطدمت بـ لوحة اسم الشارع ..

أيضاً فارق الحياة  ..

رباااااااهـ  .. ارزقنا رححمتك و قنا عذابك ..

Kamal80s: ريما : قاموس أمل وحياة

Kamal80s: ريما : قاموس أمل وحياة:

حريق مدرسة جدة «مفتعل»

حريق مدرسة جدة «مفتعل» من بعض الطالبات - حكايات - جريدة شمس

اللهم انا نسآلك الرحمة لمن مات و نسآلك الشفاء العاجل للمصابات ..

احترقت مدرسة .. وماذا بعد ؟!

احترقت مدرسة .. وماذا بعد ؟! | جريدة المدينة

من كتابات محمد الرطيان في جريدة المدينة ..

كاتب معروف و آحب كتاباته كغيري من الشباب ..