بدايتي بالقراءة

..

أوووول والأول عندي ما تحول =)

كانوا يسألوني وش هوايتك .. وبدون ما أفكر .. أقول (القراءة والكتابة )

حتى واضح أنه من نطقي له ماني جادة بهالشي ..

..

صددق أوول كتاب قريته .. كان من أختي الكبيرة .. قصص الأنبياء للأطفال على أني خلصته بـ سنة (( وويمكن زيادة )) بس مجرد ما خلصته حسيت بـ شعوور لا يووصف

أنجزت شي وخلصت كتاب واحد..

..

بعد فترة .. جاني كتاب ثاني من أختي الثانية عن (((النملة )) حقرررته بشششكل ..

بس قريته :)

..

بعد سنتين تقريباً .. (ماقريت شي فيهم ) .. جاني كتاب مو لي بس قريته ..

من بابا .. اسمه كن سعيداً مترجم طبعاً :)

خلصصته وبـ إنجاز =)

..

بعده هالكتاب حسيت أنه مالي داعي إني ما أقرأ وهالشي فيني ..

لازم أطوورهـ

..

قررت أروح لـ جرير.. و رحت .. يا أنا شفت منظظظظر ..

أقصد شكل الكتب ع الرفوف .. كااآآن ششي خيالي أول مرة حسيت بهالاحساس بـ ثاني ثانوي .. حسيت إني حارمه روحي من طعم الدنيا كلله..

..

شريييت كتب .. وقريتهم كلهم و وزعتهم .. ماعندي منهم ولا واحد ..

.. كنت كل ماقريت كتاب عن عظماء يجي عالم .. حبيته .. حب ..فجأة

مدري حبيته لأنه بالمدرسة ولا مرة جا طاري اسمه ..

 أكيد لأنه ما أزعجني مثل نيوتن .....أووووو منه..

كانوا يسألونه عن عبقريته .. تدرون وش يقوول ..

" إنها 1% إلهام و 99 % عرق جبين وتعب "

..

عرفتوه .. ؟؟

"توماس أديسون"

إنسان .. ما اشبع من القصص اللي عنه ..

يقوول إنه ( حاول آلاف المرات عشان يوصل لـ تطوير المصباح الكهربائي لمييين نجح وبـ جدارة .. هع ونآآآآسة  ووش حس بهاللحظة ياربي .. ؟؟

ويوم سألوه عن كثرة عدد المرات اللي فشل فيهم ..

قال ..

"لم أكن أنظر إلى تلك المحاولات على أنها إخفاقات , وإنما كنت أقول لنفسي دائماً و كلما حاولت مرة ولم أصل إلى ما أريد بأنني ألغيت إحدى المحاولات التي لا توصلني إلى ما أريد و هكذا سيبقى لي محاولات أقل أجربها حتى أصل " )

 ياناااااااس .. وش رايكم بـ شخص زي كذا ..؟؟

 المحبوب المفقووود